Bankinn styrkir samfélagsverkefni, þar með talið menningarstarf og listastarf, einkum með þrennum hætti. Í fyrsta lagi í gegnum Samfélagssjóð, þar sem engar kröfur eru ekki gerðar á móti styrkjum, í öðru lagi með samstarfssamningum með gagnkvæmum ávinningi og loks fyrir tilstilli útibúa sem styðja vel við bakið á verkefnum í heimabyggð.

Undir hatti Samfélagssjóðs eru nú fimm aðskildar úthlutanir, námsstyrkir, nýsköpunarstyrkir, samfélagsstyrkir, umhverfisstyrkir og afreksstyrkir sem veittir eru annað hvert ár. Áhersla er lögð á að stuðningur sé fjölbreyttur og nýtist mörgum.

Alls nam fjárhagslegur stuðningur bankans um 115 milljónum króna árið 2014, en til viðbótar við beinan fjárhagslegan stuðning leggur bankinn áherslu á að bjóða viðskiptavinum þjónustu og ráðgjöf sem hefur skýra samfélagslega tengingu. Loks vill bankinn vera virkur þátttakandi í samfélagsverkefnum með ráðgjöf og sjálfboðastarfi starfsmanna.