Ársskýrsla Landsbankans 2014
Landsbankinn er stærsta fjármálafyrirtækið á Íslandi og veitir einstaklingum, fyrirtækjum og fjárfestum um allt land trausta og alhliða fjármálaþjónustu sem byggir á langtíma viðskiptasamböndum. Hagnaður Landsbankans á árinu 2014 nam 29,7 milljörðum króna eftir skatta samanborið við 28,8 milljarða á árinu 2013. Arðsemi eiginfjár eftir skatta á árinu 2014 var 12,5%.
Stærsta fjármálafyrirtækið á Íslandi
Landsbankinn leggur áherslu á að vera samherji viðskiptavina í fjármálum. Hann stundar ábyrga markaðssókn með það að markmiði að skapa gagnkvæman ávinning fyrir viðskiptavini viðskiptavini.
| Einstaklingar í viðskiptum við Landsbankann | 113.500 |
| Fyrirtæki í viðskiptum við Landsbankann | 11.096 |
| Útibú og afgreiðslur í árslok 2014 | 32 |
| Fjöldi hraðbanka | 65 |
| Stöðugildi í árslok 2014 | 1.126 |
Útibúanet Landsbankans
Landsbankinn rekur víðtækasta útibúanet banka á Íslandi. Útibú og afgreiðslur bankans í árslok 2014 voru 32 talsins.
Landsbankinn þinn
Framtíðarsýn Landsbankans er að vera til fyrirmyndar. Hlutverk hans er að vera traustur samherji í fjármálum og hreyfiafl í samfélaginu.